Il 2025 ha la ISDU cumenzà cun la lavur en connex cun ses accents da perscrutaziun prioritars. Sin basa da sia strategia da diesch onns e cun ses team dal secretariat ch'è uss pli u main cumplet, ha ella organisà trais occurrenzas e realisà sia emprima publicaziun.

La ISDU ha prendì posiziun davart l'actualitad politica e giuridica ord la perspectiva dals dretgs umans. Quai è succedì sin nivel europeic – oravant tut en consequenza da la sentenzia 'Senioras dal clima'  cunter la Svizra – sco er sin nivel federal e chantunal. La ISDU ha plinavant lantschà ses portal d'infurmaziun online per ils dretgs umans en Svizra.

Plinavant ha la SMRI pudì beneventar 4 nov:as collavuratur:as e 52 nov:as commember:as. Ultra da quai ha ella lantschà la procedura per sia accreditaziun internaziunala.

Legiai per plaschair il rapport annual en tudestg, franzos e talian (pdf)

«In onn per daventar creschida»

Il directur Stefan Schlegel analisescha: «Per la ISDU è l'onn 2025 stà in onn da daventar creschida. Sco en la vaira vita era, daventar creschì è bain captivant e bel, dentant betg adina simpel. Bleras chaussas fan ins per l'emprima giada ed ins sto emprender dals sbagls , savens percorschan ins che nagin n'ha spetgà ch'ins intervegnia (…). Ma sch'ins guarda a la fin enavos sin quel temp, lura pon ins tuttina sa smirvegliar, quant ch'ins ha emprendì, quant ferm ch'ins è madirà.»

Legiai per plaschair il rapport annual en tudestg, franzos e talian (pdf)