Daventar conmember
Tgi po daventar commember?
Tenor ils artitgels 6 e 7 dals statuts da la ISDU «èn ils commembers da la ISDU persunas natiralas e giuridicas cun activitads che stattan en relaziun cun la protecziun e la promoziun dals dretgs umans e che approveschan l’intent tenor artitgel 2. Mintga persuna che vul daventar commember da la ISDU sto preschentar ina dumonda d’admissiun en scrit. Sin basa da quella decida la radunanza dals commembers davart sia admissiun. »
Suenter ina verificaziun formala, èn las candidaturas suttamessas a la votaziun da la radunanza dals commembers annuala, cun recumandaziun da la suprastanza.
Esser commember da la ISDU na munta nagina certificaziun da respectar ils dretgs umans. La commembranza attesta simplamain l’engaschament per la tematica e/u enconuschientschas en quest sectur.
Co daventar commember?
Empleni la dumonda d'admissiun qua sutvart cun inditgar sche Vus vulais entrar en la ISDU sco persuna natirala u giuridica. Explitgai curtamain Vossa colliaziun (u quella da Vossa organisaziun) cun la protecziun e la promoziun dals dretgs umans. En cas da dumondas As drizzai per plaschair per e-mail a mitglied@isdh.ch.
La suprastanza da la ISDU vegn ad examinar Vossa dumonda. Sch’ella vegn approvada survegnis Vus in e-mail da conferma. Sco candidat*a survegnis Vus las medemas infurmaziuns sco commembers actuals*as: davart activitads da la ISDU, invitaziun a la RG, euv.
A chaschun da la radunanza dals commembers che suonda vegn la suprastanza a preschentar Vossa candidatura. Ella vegn suttamessa a la votaziun dals commembers. Sche Vus na pudais betg assister a la RG, As vegnin nus ad infurmar davart il resultat ils dis che suondan.
Per restar commember stuais Vus pajar mintg'onn Vossa contribuziun da commembranza (guardar las tariffas menziunadas qua sutvart). Las contribuziuns da commembranza ston vegnir pajadas avant la proxima radunanza che suonda.
Contribuziun annuala
La contribuziun annuala munta a 100 CHF per las persunas natiralas e 250 CHF per las persunas giuridicas. Per persunas singulas cun paucs meds finanzials importa la contribuziun annuala 30 CHF. Per organisaziuns d'utilitad publica cun in budget fitg pitschen èn quai 100 CHF.
Vus survegnis in cedel da pajament per e-mail insaquantas emnas suenter mintga radunanza dals commembers.
Dumonda d'admissiun
Autras FAQ davart la commembranza
Sco commember giugais Vus ina rolla activa en connex cun il svilup da la ISDU. A la radunanza dals commembers votais Vus davart las grondas orientaziuns strategicas da l'instituziun. Vus survegnis regularmain infurmaziuns davart sias activitads. Ultra da quai avais Vus access ad ina vasta rait naziunala d'actur*as dals dretgs umans en Svizra.
Per la ISDU èn ses commembers ina rait ed ina resursa: ina cumposiziun pluralistica signifitga ina basa solida a l’intern da la societad. Perquai èn ils commembers fitg impurtants per la ISDU. Ella ha adina in'ureglia averta per els e respunda tant sco pussaivel a lur giavischs e da lur propostas.
La ISDU ha 248 commembers il 2026: 170 persunas naturalas e 78 persunas giuridicas.
La suprastanza da la ISDU examinescha las candidaturas quatter giadas ad onn. Sche Vossa candidatura vegn approvada e recumandada da la suprastanzas, survegnis Vus en quel mument ina e-mail da conferma. Sco candidat*a per la commembranza survegnis Vus las medemas infurmaziuns sco commembers actual*as: davart activitads da la ISDU, invit a la RG, euv.
A chaschun da la radunanza dals commembers che suonda (en general il mais da matg) vegn la suprastanza a preschentar Vossa candidatura. Ella vegn suttamessa a la votaziun dals commembers.
Sche Vus na pudais betg assister a la RG, As vegnin nus ad infurmar davart il resultat ils che suondan. Al medem mument survegnis Vus il cedel da pajament per pajar Vossa contribuziun da commembranza.
Admessas èn tut las persunas singulas ed organisaziuns, interpresas, uniuns e.u.v. che s'engaschan per la defensiun e la promoziun dals dretgs umans en Svizra. Quest engaschament po sa referir als dretgs umans en general u a dretgs umans specifics (sco migraziun, egualitad tranter las schlattainas e.u.v.).
In engaschament a favur d’ina part da la populaziun n'è en nagina maniera problematic. La ISDU pretenda dentant che ses commembers partian la persvasiun ch'ils dretgs umans valian a moda universala e che tut ils umans hajan ils medems dretgs.
Na. La ISDU n'attesta betg a ses commembers da resguardar cumplettamain ils dretgs umans u d'agir da maniera exemplarica. La ISDU na parta era betg necessariamain las posiziuns da tut ses commembers. Esser commember vul sulettamain dir che las persunas u organisaziuns han in interess, in engaschament e/u enconuschientschas specificas dals dretgs umans en Svizra.
Na. Mo tscherts commembers dal secretariat e da la suprastanza han il dretg da discurrer en num da la ISDU, era en raits socialas. Las posiziuns dals commembers na reflecteschan betg necessariamain quella da la ISDU.
Las contribuziuns da commembranza n'èn betg liadas ad in intent specific. Cun lur contribuziun sustegnan commembers l'incumbensa da la ISDU da contribuir a la protecziun ed a la promoziun dals dretgs umans en Svizra.
Ils statuts da la ISDU na prevesan betg in'appellaziun cunter las decisiuns da la RG. En quai che concerna l'interpretaziun dals criteris per recepir commembers è la ISDU dentant flexibla. Fin ussa è vegnida acceptada la gronda maioritad da las dumondas d'ina commembranza.