Ils dretgs umans vegnan realisads en Svizra en emprima lingia sin plaun chantunal e communal. Precis qua datti sfidas centralas – per exempel en ils secturs da la furmaziun, da la sanadad, dals fatgs socials, da la segirezza u da la migraziun. L’ISDU sustegna ils chantuns e las vischnancas tar il rinforzament dals dretgs umans sin plaun structural ed instituziunal. Sco partenaria da tut ils nivels administrativs ha ella la finamira da consolidar anc pli sistematicamain  la perspectiva dals dretgs umans en ils process da lavur. En quest connex è la ISDU conscienta ch'ils basegns dad autoritads chantunalas e communalas pon esser fitg differents. Per sviluppar sia purschida da maniera uschè orientada als basegns sco pussaivel è la SMRI dependenta da resuns e dad indicaziuns dals posts cumpetents. 

Uschia sustegna la SMRI la lavur da las autoritads 

La ISDU sustegna las autoritads da sa confruntar da manera anc pli sistematica cun dumondas dals dretg umans, d'identifitgar libertads d'agir e da sviluppar soluziuns confurmas als dretgs umans. 

La ISDU porscha in spectrum multifar da prestaziuns orientadas  la pratica: 

• Studis ed expertisas davart l’analisa da dumondas en connex cun ils dretgs umans; 

• Cussegliaziun e coaching davart praticas administrativas praticablas e confurmas als dretgs umans; 

• Workshops e furmaziuns cuntinuadas per l’intermediaziun  da cumpetenzas praticas; 

• Occurrenzas e forums da discussiun  per promover il discurs davart temas dals dretgs umans.

Ils servetschs vegnan concepids uschia ch'els correspundan als basegns individuals dals/da las actur:as. La finamira è da far ina punt tranter l’expertisa dals dretg umans e las sfidas concretas tar la realisaziun. 

Ulteriuras infurmaziuns tudestg

Ulteriuras infurmaziuns franzos